【搞笑育兒】小朋友扭計睇電視 爸爸一招教訓阿B

當小朋友百厭，做爸爸媽媽真係忍唔住要教訓吓佢！

近日有台灣爸爸網上分享，因為囝囝扭計要睇電視，佢諗咗一招，用白紙寫上「電視」兩個字，貼喺雪櫃畀囝囝企住睇，佢話「又哭又鬧說要看電視，那就讓你看個夠！沒看滿20分鐘不能離開，哭著也給我看完」。唔少網民都話呢招好，讚呢位爸爸十分具有創意！

不過正經啲講，若果小朋友扭計睇電視呢個問題成日發生，家長可以試吓，同小朋友一齊制定一個時間表，嚴格執行睇電視時間，先可以睇，唔好因為佢一時爆哭就心軟讓步啊！

圖片來源：家有男孩崩潰日常
製圖／文字：Family Together